„წლის ხელოვნი 2024”

კონკურსის მიზანია ახალგაზრდა შემოქმედთა პოპულარიზაცია, წახალისება და ხელშეწყობა;

I. ზოგადი დებულებები

1.1. დებულება განსაზღვრავს ახალგაზრდა მეცნიერთა და შემოქმედთათვის „წლის ხელოვნი 2024“ მინიჭების პირობებსა და წესს;
1.2. „წლის ხელოვნი 2024“ ახორციელებს საორგანიზაციო კომიტეტი;

1.3. „წლის ხელოვნი 2024“ ლაურეატების გამოვლენა ხდება 8 განსაზღვრული ნომინაციის მიხედვით;

1.4. დარგების მიხედვით შერჩეულ 3 ნომინანტს გადაეცემა სპეციალური სიგელი, ხოლო გამარჯვებული კანდიდატი ჯილდოვდება დიპლომით;

II. კონკურსში მონაწილეობის წესები და პირობები

2.1. კონკურსში მონაწილეობის მიღება შეუძლიათ 18 წლის+ ახალგაზრდა შემოქმედებს;

2.2. საკონკურსო ნამუშევრის წარდგენა შეუძლია როგორც თავად ავტორს, ასევე კულტურულ–საგანმანათლებლო დაწესებულებებს, გამომცემლობებს, შემოქმედებით ორგანიზაციებსა და საინიციატივო ჯგუფებს, შესაბამისი სააპლიკაციო ფორმის მიხედვით (იხ. დანართი #1);
2.3. „წლის ხელოვნი“ ახალგაზრდა მეცნიერთა და შემოქმედთა წარდგენა ხდება ბოლო 1 კალენდარული წლის განმავლობაში შექმნილი ან/და გამოქვეყნებული ნაშრომის/ნამუშევრის მიხედვით. ნომინირებამდე, წარდგენილი საკონკურსო ნამუშევარი/ნაშრომი, ცნობილი უნდა იყოს ფართო საზოგადოებისთვის;
2.4. საკონკურსო ნაშრომი/ნამუშევარი აპლიკაციის ფორმასთან და რეზიუმესთან (CV) ერთად, ცალკეული ნომინაციის მოთხოვნის შესაბამისად უნდა იქნას წარმოდგენილი:

თეატრალური ხელოვნება - CD ვიდეოფორმატი (-R) - 3 ეგზემპლარი; · კინოხელოვნება - CD ვიდეოფორმატი (-R) - 3 ეგზემპლარი;
ლიტერატურა (პროზა, პოეზია) - ნაბეჭდი (წიგნი ან ჟურნალი) – 3 ეგზემპლარი - (ნაშრომს მინიჭებული უნდა ჰქონდეს წიგნის საერთაშორისო სტანდარტული ნომერი - ISBN ან საერთაშორისო სტანდარტის სერიული ნომერი ISSN);
მუსიკა - CD აუდიოფორმატი - 3 ეგზემპლარი; საჯარო შესრულების დამადასტურებელი მონაცემები;
ქორეოგრაფია - CD აუდიოფორმატი - 3 ეგზემპლარი; საჯარო შესრულების დამადასტურებელი მონაცემები;
სახვითი ხელოვნება - CD ფორმატი - 3 ეგზემპლარი (ჟიურის მოთხოვნის შემთხვევაში წარმოდგენილი უნდა იქნას ორიგინალი); გამოფენაზე მონაწილეობის დამადასტურებელი დოკუმენტი.
ფოტოგრაფია - CD ფორმატი - 3 ეგზემპლარი; საკონკურსოდ წარმოდგენილ ერთ ნამუშევარს თან უნდა ახლდეს პორტფოლიო (ოთხი ნამუშევარი).- Jpeg ფორმატში, გაფართოებით - არაანაკლებ 8 მეგაპიკსელისა; საკონკურსოდ მიიღება ნამუშევარი,რომელიც გამოქვეყნებული იყო ბეჭდურ მედიაში (ISSN), ან მონაწილეობდა კონკურსზე ან გამოფენაში.

2.5. „წლის ხელოვნის პრემიის“ ლაურეატის ნამუშევარი კონკურსში არ განიხილება;

2.6. „წლის ხელოვნის პრემიის“ ნომინანტებს ეძლევათ შესაძლებლობა განმეორებით მიიღონ მონაწილეობა კონკურსში;

III. „ „წლის ხელოვნის პრემიის “ ნომინანტთა შემრჩევი კომისიებისა და ჟიურის შექმნისა და მუშაობის წესი

3.1. დარგობრივი კომისიებისა და ჟიურის შემადგენლობასა და რაოდენობას ამტკიცებს „წლის ხელოვნის პრემიის “ საორგანიზაციო კომიტეტი;

3.2. დარგობრივი კომისიებისა და ჟიურის რაოდენობა განისაზღვრება ნომინაციების რაოდენობიდან გამომდინარე;

3.3. „წლის ხელოვნის პრემიის “ ლაურეატის გამოვლენა ხდება ორ ეტაპად:

1) შემოსული კანდიდატურებიდან, საორგანიზაციო კომიტეტის მიერ დაკომპლექტებული დარგობრივი კომისია გამოავლენს სამ ნომინანტს და განსახილველად გადასცემს ჟიურის;
2) დასახელებული ნომინანტებიდან საორგანიზაციო კომიტეტის მიერ დამტკიცებული ჟიური შეარჩევს თითოეულ სფეროში ერთ გამარჯვებულს.

იხილეთ 2022 წლის ხელოვანები

მხარდამჭერი ორგანიზაციები: