რუსთავის მერის ორგანიზებით, ანსამბლი „არტ-საქართველო“ ქორეოგრაფიულ კონკურს-ფესტივალში „ქართული“ მიიღებს მონაწილეობას
თბილისი, საქართველო – 2026 წლის 13 ივნისს, ქალაქ რუსთავის მერის ორგანიზებითა და მხარდაჭერით, რუსთავი უმასპინძლებს ქორეოგრაფიულ კონკურს-ფესტივალს „ქართული“. ღონისძიებაში მონაწილეობის მისაღებად ქალაქს ეწვევა ა(ა)იპ „კულტურის ინსტიტუტის“ ქართული ხალხური ცეკვის ქორეოგრაფ-რეპეტიტორის პროფესიული გადამზადების პროგრამის მსმენელთა ანსამბლი „არტ-საქართველო“.
კონკურს-ფესტივალი „ქართული“ მიზნად ისახავს ეროვნული ქორეოგრაფიული ტრადიციების შენარჩუნებას, პოპულარიზაციასა და ნიჭიერი ხელოვანების გამოვლენას. ა(ა)იპ „კულტურის ინსტიტუტის“ მსმენელებისთვის აღნიშნული სცენა მნიშვნელოვანი პლატფორმაა საკუთარი პროფესიული უნარებისა და საშემსრულებლო ოსტატობის წარმოსაჩენად.
ანსამბლი „არტ-საქართველო“ ფესტივალზე სპეციალურად მომზადებული პროგრამით წარდგება. ღონისძიება ხორციელდება ქალაქ რუსთავის მერიის აქტიური ჩართულობით, რაც კიდევ ერთხელ უსვამს ხაზს ადგილობრივი თვითმმართველობის როლს ქართული კულტურისა და ახალგაზრდა შემოქმედების მხარდაჭერის პროცესში.
„ქალაქ რუსთავის მერის მხარდაჭერით ორგანიზებული ეს ფესტივალი საუკეთესო შესაძლებლობაა ჩვენი პროგრამის მსმენელებისთვის. ჩვენი მიზანია, მომავალმა ქორეოგრაფ-რეპეტიტორებმა მიღებული ცოდნა მაღალი დონის საკონკურსო გარემოში წარმოაჩინონ,“ – აცხადებენ ა(ა)იპ „კულტურის ინსტიტუტში“.
დამატებითი
ინფორმაციისთვის, გთხოვთ, დაგვიკავშირდეთ.
