ა(ა)იპ კულტურის ინსტიტუტთან არსებული „ქართული ხალხური ცეკვის ქორეოგრაფ-რეპეტიტორის პროფესიული გადამზადების პროგრამის“ მსმენელთა ანსამბლი „არტ-საქართველო“ გულითად მადლობას უხდის ქალაქ რუსთავის მერიას და მის სამსახურებს ქორეოგრაფიული კონკურს-ფესტივალის — „ქართული“ — ორგანიზებისა და წარმატებით ჩატარებისთვის.
ფესტივალი მნიშვნელოვანი კულტურული მოვლენა იყო, რომელმაც კიდევ ერთხელ წარმოაჩინა ქართული ხალხური ცეკვის სილამაზე, ეროვნული ტრადიციების მნიშვნელობა და ახალგაზრდა თაობის შემოქმედებითი პოტენციალი. მსგავსი ღონისძიებები განსაკუთრებულ როლს ასრულებს ქართული კულტურის პოპულარიზაციაში, ახალგაზრდების მხარდაჭერასა და ხელოვნების სფეროს განვითარებაში.
ანსამბლი „არტ-საქართველო“ განსაკუთრებულ მადლობას გამოხატავს ღონისძიების ორგანიზებაში ჩართული თითოეული ადამიანის მიმართ, რომელთა პროფესიონალიზმმა, შრომამ და მხარდაჭერამ ფესტივალს მაღალი დონე და ღირსეული გარემო შეუქმნა.
ჩვენთვის დიდი პატივი იყო აღნიშნულ ფესტივალში მონაწილეობა და გვჯერა, რომ მსგავსი კულტურული პროექტები მომავალშიც წარმატებით გაგრძელდება, რაც კიდევ უფრო შეუწყობს ხელს ქართული ქორეოგრაფიული ხელოვნების განვითარებასა და პოპულარიზაციას.
პატივისცემით,
ანსამბლი
„არტ-საქართველო“