ამით დასრულდა კიდევ ერთი წარმატებული წელი!
ა(ა)იპ კულტურის ინსტიტუტის „ქართული ხალხური ცეკვის ქორეოგრაფ-რეპეტიტორის პროფესიული გადამზადების პროგრამის“ მსმენელთა ანსამბლმა „არტ-საქართველომ“ საანგარიშო პერიოდი კიდევ ერთი უმნიშვნელოვანესი და ისტორიული შემოქმედებითი მიღწევით შეაჯამა. წლის ერთ-ერთ მთავარ და გვირგვინოვან აკორდად იქცა ანსამბლის გამოსვლა ქართული ფოლკლორისა და ტრადიციული ხელოვნების მასშტაბურ ფესტივალზე — „არტ-გენი“.
განსაკუთრებით აღსანიშნავი და ემოციურია ის ფაქტი, რომ ამჯერად ანსამბლი „არტ-საქართველო“ და აფხაზეთის გოგონათა ანსამბლი „გუმბათი“ მაყურებლის წინაშე სცენაზე ერთად წარდგნენ. ამ ორმა გამორჩეულმა კოლექტივმა ერთობლივი ნომრით ჭეშმარიტი კულტურული ხიდი გაადო, უდიდესი მუხტი და ეროვნული ერთიანობის სულიერი ძალა აჩვენა დამსწრე საზოგადოებას, რამაც მაყურებლის განსაკუთრებული აღფრთოვანება და დაუმორჩილებელი აპლოდისმენტები დაიმსახურა.
დიდი მადლობა მინდა გადავუხადო თითოეულ მსმენელს, პედაგოგსა და ადმინისტრაციის ყველა წევრს გაწეული შრომისა და ერთგულებისთვის. მინდა ხაზგასმით აღვნიშნო, რომ მიუხედავად ბევრი დაბრკოლებისა და შეფერხებისა, ინსტიტუტმა თავისი საქმე უმაღლეს დონეზე შეასრულა და დაასრულა! „არტ-გენის“ სცენაზე ანსამბლ „გუმბათთან“ ერთად მიღწეული ეს აღიარება კი ამ თავდაუზოგავი შრომის ლოგიკური შედეგია.
ყველას გილოცავთ ამ წარმატებას და გისურვებთ მომავალ წელს კიდევ უფრო მეტ წინსვლას, ახალ შემოქმედებით მწვერვალებსა და დაუსრულებელ აპლოდისმენტებს!
მურმან გამისონია
კულტურის ინსტიტუტის დირექტორი,
ანსამბლ „არტ-საქართველოს“ დამფუძნებელი