ამა წლის 22 აპრილს, საქართველოს
ქორეოგრაფთა კავშირის ოფისში ჩატარდა UNESCO-ს
ცეკვის საერთაშორისო საბჭოს (CID)
თბილისის სექტორის დამფუძნებელთა ყრილობა, რომელსაც ესწრებოდნენ
საერთაშორისო საბჭოს 2019 წელს სერტიფიცირებული
წევრები და
შოთა რუსთაველის თეტრისა და კინოს სახელმწიფო
უნივერსიტეტის
ასოცირებული პროფესორი, ხელოვნებათმცოდნეობის დოქტორი,
ქორეოგრაფ-ქორეოლოგი ანანო სამსონაძე.
სტუმრებს მიესალმა,
შესავალი სიტყვა წარმოთქვა და და ყრილობა გახსნა
საქართველოს ქორეოგრაფთა კავშირის თავმჯდომარემ, პროფესორმა
რეზო ჭანიშვილმა; კავშირის პასუხისმგებელმა
მდივანმა, მურმან გამისონიამ, დამსწრე საზოგადოებას
გააცნო CID-ს საერთო დებულება,
რომელიც ყრილობაზე ერთხმად იქნა
მიღებული.
ყრილობაზე CID-ს თბილისის სექციის
პრეზიდენტად არჩეული იქნა საქართველოს ქორეოგრაფთა კავშირის თავმჯდომარის
მოადგილე კახაბერ მარკოიშვილი, ვიცეპრეზიდენტებად დასახელდნენ
ქორეოგრაფთა კავშირის საერთაშორისო ურთიერთობების
განყოფილების უფროსი მენეჯერი გიორგი რუხაძე და კავშირის
ფინანსური მენეჯერი მამუკა გამისონია.
