არსებობენ ადამიანები,
რომელთა შესახებაც ბევრი სიტყვის თქმა საჭირო არ არის — მათ ნაცვლად
მათი განვლილი ცხოვრება ლაპარაკობს.
დღეს ვეტერანთა დღეა და მინდა, განსაკუთრებული პატივისცემით მივმართო ჩემს ამხანაგს — ადამიანს, რომელშიც ერთიანდება ჟურნალისტის სიტყვა, მეგობრის ერთგულება, ვეტერანის ღირსება და ნამდვილი კაცის ხასიათი.
დღეს ვეტერანთა დღეა და მინდა, განსაკუთრებული პატივისცემით მივმართო ჩემს ამხანაგს — ადამიანს, რომელშიც ერთიანდება ჟურნალისტის სიტყვა, მეგობრის ერთგულება, ვეტერანის ღირსება და ნამდვილი კაცის ხასიათი.
ჯერ კიდევ ჩვიდმეტი-თვრამეტი წლის ბიჭი იყო,
როცა აფხაზეთის ომის ქარცეცხლში აღმოჩნდა. იმ ასაკში, როცა
ახალგაზრდის ფიქრები მომავალს, ოცნებებსა და ცხოვრების პირველ
ნაბიჯებს უნდა ეკუთვნოდეს, მას სამშობლოს ტკივილთან შეხება, მძიმე
რეალობის დანახვა და ომის უმძიმესი გზის გავლა მოუხდა.
ომმა შეიძლება ადამიანს ბევრი რამ წაართვას,
მაგრამ ვერ წაართვას ის, რაც მის სულშია დაბადებული — ღირსება,
სინდისი, მეგობრის სიყვარული და სამშობლოს ერთგულება.
დღეს ის ჟურნალისტია — კაცი, რომლისთვისაც
სიტყვას ფასი აქვს, სიმართლეს — მნიშვნელობა, ხოლო ადამიანურ
ურთიერთობებს — განსაკუთრებული ღირებულება. მაგრამ მის პიროვნებაში
ჩემთვის ყველაზე მნიშვნელოვანი მაინც ის არის, რასაც ერთი სიტყვა
იტევს — კაცობა!
კაცობა, რომელიც ხმამაღალ განცხადებებს არ
საჭიროებს.
კაცობა, რომელიც
მეგობრის გვერდით დგომით მტკიცდება.
კაცობა, რომელიც
განსაცდელში გამოიცდება და მშვიდობიან დღეებში კიდევ უფრო ნათლად
გამოჩნდება.
ჩემო ამხანაგო, გილოცავ ვეტერანთა დღეს!
ჩემო ამხანაგო, გილოცავ ვეტერანთა დღეს!
მინდა, ღმერთმა მოგცეს ჯანმრთელობა,
დღეგრძელობა, შინაგანი სიმშვიდე და ბევრი ბედნიერი დღე. დაე, შენი
განვლილი გზა არასოდეს დაიკარგოს დროის მტვერში, შენი თავდადება
ყოველთვის დაფასებული იყოს, ხოლო შენი მეგობრობა — ისეთივე მტკიცე და
ღირსეული, როგორიც ნამდვილ კაცებს შეშვენით.
დღეს განსაკუთრებული პატივისცემით ვიხრი ქედს
შენს წინაშე და ყველა იმ ვეტერანის წინაშე, ვისაც სამშობლოს
სიყვარულმა მძიმე გზაზე ატარა.
სამშობლოს სიყვარული
სიტყვებით იწყება, მაგრამ მისი ნამდვილი ფასი საქმით მტკიცდება.
გაუმარჯოს ნამდვილ მეგობრობას!
გაუმარჯოს ნამდვილ მეგობრობას!
გაუმარჯოს ღირსეულ
ადამიანებს!
გაუმარჯოს კაცობას,
რომელსაც წლები ვერ აკლებს ფასს!
გილოცავ ვეტერანთა დღეს, ჩემო ამხანაგო! ღმერთი იყოს შენი მფარველი!
