3 ივლისს ქობულეთში,
ხელოვნების მე-16 საერთაშორისო ფესტივალ-კონკურსი "ნარინჯისფერი
ქობულეთი 2019"-ის საზეიმო ცერემონიალი გაიმართა, რომლის
დამფუძნებელი ჯემალ მეგრელიძეა. ფესტივალში მონაწილეობენ სხვადასხვა
ქვეყნებიდან ჩამოსული ქორეოგრაფიული ანსამბლები და საქართველოში
მოქმედი კოლექტივები. ჟიური კულტურის სფეროში მოღვაწე წევრებისგან
შედგება, ესენი არიან : ჟიურის უცვლელი თავმჯდომარე საქართველოს
ქორეოგრაფთა კავშირის თავმჯდომარის მოადგილე, ბათუმის საპატიო
მოქალაქე, ღირსების ორდენის კავალერი - ზაურ ლაზიშვილი; საქართველოს
დამსახურებული ქორეოგრაფი, პედაგოგი, ღირსების, რაინდის,
ბრწყინვალების ორდენის კავალერი, რესპუბლიკური და საერთაშორისო
ფესტივალების ლაურეატი - ჯემალ ბოცვაძე; საქართველოს ქორეოგრაფიის
რაინდი, ანსამბლ "ქობულეთის" სამხატვრო ხელმძღვანელი, მრავალმხრივი
შემოქმედი - თემურ თხილაიშვილი; ტრიო "თბილისის" სოლისტი, პოპულარული
ქართველი მომღერალი - ზაზა მამალაძე; ქართული ესტრადის პოპვარსკვლავი
- თამარ მეჭიაური; სომხეთის რესპუბლიკის ქორეოგრაფული კავშირის
თავმჯდომარე - გაგიკ მხითარიანი; მრავალი საერთაშორისო კონკურსის
ლაურეატი, უმაღლესი კლასის ვოკალის პედაგოგი - ვარვარა მანთაშევა;
ჟურნალისტი - ბესო ჩუბინიძე. ისინი 10 ღონისძიების განმავლობაში
შეაფასებენ მონაწილე ანსამბლებს და დასკვნით კონცერტზე გამოავლენენ
გამარჯვებულს, რომელიც ღირებული პრიზებით დააჯილდოვდება. პირველი
საკონკურსო დღე გრანდიოზული ფოიერვერკით დაგვირგვინდა.
ფესტივალის მხარამჭერია
საქართველოს ქორეოგრაფთა კავშირი; კულტურისა და ხელოვნების
გაერთიანების კავშირი "არტ-ფოლი"; ტელეკომპანია 12.